Kommuneplanen sin samfunnsdel 2027-2037 - oppstart av planarbeid og høyring av planprogram
Melding om oppstart av planarbeid og høyring av planprogram
Aukra formannskap har i møte den 9. mars 2026, sak PS-16/26, vedteke å starte opp arbeid med rullering av kommuneplanen sin samfunnsdel med heimel i plan og bygningslova § 11-2 og 11-12. Samstundes vert forslag til planprogram lagt ut til høyring i seks veker med heimel i plan og bygningslova § 4-1 og 11-13.
Kommuneplanen sin samfunnsdel er kommunens overordna strategiske styringsverktøy. Den set retning for utviklinga av lokalsamfunnet og kommunen som organisasjon, og skal svare på korleis kommunen skal handtere utfordringar innanfor demografi, klima, næring og folkehelse.
Planprogrammet beskriv korleis kommunen skal utarbeide samfunnsdelen. Den skal gjere greie for føremålet med planarbeidet, prosess for medverknad, framdriftsplan, samt behov for eventuelle utgreiingar.
Planprogrammet vert lagt ut til høyring i perioden 19. mars 2026 til 4. mai 2026, og plandokumenta finn du nedst i artikkelen.
Aukra kommune ber om merknader til planprogrammet og til konkret innhald i samfunnsdelen. Etter utløp av merknadsfristen vil innkomne merknader verte vurderte, og planprogrammet fastsett. Sjølve arbeidet med planforslaget vil deretter starte, med sikte på endeleg politisk behandling i januar/februar 2027.
Merknader til planforslaget
- Merknader til planforslaget skal sendast til kommunen innan 4. mai 2026, og vi ber om at de nyttar funksjonen «Send ein uttale til planen»
- Det er òg mogleg å laste opp vedlegg
- Saksdokumenta finn du nedst i denne artikkelen
Høyringsperioden er avslutta., Det er difor ikkje lengre muleg å gje uttale på denne planen.
Uttale til saka
Uttalen vert synleg nedanfor. Uttalar som gjeld Aukra kommune sine plansaker vert registrert i kommunen sitt sak- og arkivsystem. Uttalar som inneheld sjikane og personangrep vert sletta.
Legger ved et privat forslag til areal som kan vurderes regulert til boligformål. Arealet er i utkanten av gammel innmark, mot eiendomsgrense og tett mot eksisterende bolig på annen eiendom. Formålet er bl.a. med sikte for "generasjonsskifte på bruket".
Frank Harald Fosse VestadØnskjer du at din uttale ikkje skal visas på denne nettsida?
Huk av i boksen «Send skjult uttale» og fyll ut skjemaet under