Reguleringsplan Gossen motorsenter - melding om oppstart

Oppstartsmelding

I medhald av plan- og bygningslova § 12-3 og 12-8, og kommunen sitt delegeringsreglement punkt 18.1, varslar Aukra kommune at det blir starta arbeid med reguleringsplan for Gossen motorsenter. Planforslaget skal utarbeidast som ei detaljregulering, og det er krav om konsekvensvurdering etter plan- og bygningslova § 4-2, og forskrift om konsekvensutredninger § 8a, og vedlegg II, punkt 11 a. Oppstartmøte vart halde på kommunehuset 22. juni 2020, jf. vedlegg.

Føremålet med planarbeidet er å leggje til rette for motorsport med tilhøyrande funksjonar på eigedomane 8/35 og 8/65 ved flyplassen på Gossen, Aukra kommune.
I gjeldande kommuneplan sin arealdel er delar av planområdet avsett til LNF. I tilgjengelege kartdata er areala karakterisert som fyllmasse og open fastmark, og planforslaget kjem ikkje i konflikt med dyrka mark.

Det er to gjeldande reguleringsplanar innanfor planområdet i dag:

• Rothaugen industriområde
• Gossen MC-klubb

I det nye planforslaget vil delar av Rothaugen industriområde bli erstatta, medan Gossen MC-klubb vert vidareført og tilpassa ny plan- og bygningslov.

Merknader til planarbeidet

• Merknader til planarbeidet skal sendast til kommunen innan 26. august 2020, og vi ber om at de nytter funksjonen «Send ein uttale til planen».
• Det og er muleg å laste opp vedlegg.
• Saksdokumenta finn du nedst i denne artikkelen.

Saksdokument