Plan for idrett og fysisk aktivitet - andre gongs høyring

Offentleg høyring og ettersyn

Aukra kommune vedtok gjeldande kulturplan 2024-2027 den 13. juni 2024 i sak PS-36/24. Plan for idrett og fysisk aktivitet byggjer vidare på dei verdigrunnlag og målsettingar som kulturplanen har i seg.

Plan for idrett og fysisk aktivitet vil i samsvar med vedtak i PS-36/24 ha fokus på følgjande hovudtema:

• Anlegg- og arealkartlegging
• Aktivitet- og behovskartlegging
• Drift- og vedlikehaldsplaner/strategiar og budsjett 

Planen skal vere eit verktøy som blir brukt både politisk og administrativt for vidare utvikling av feltet idrett og fysisk aktivitet i Aukra. Den skal vere retningsgjevande ved prioritering av mål og tiltak.

Planen blir no lagt ut til andre gongs høyring. Dette med bakgrunn i tilbakemeldingar om kort frist i første høyringsrunde. I tida fram til andre gongs høyring er det arbeidd med å svare ut mottekne merknader og korleis desse kan bli implementert i plandokumentet. Dette gjeld både struktur, innhald og redaksjonelle endringar.

Merknader til planforslaget

• Merknader til planforslaget skal sendast kommunen innan 20. februar 2026, og vi ber om at de nyttar funksjonen «Send ein uttale til planen».
• Det er òg mogleg å laste opp vedlegg.
• Saksdokumenta finn du nedst i denne artikkelen.

Saksdokument

• Plan for idrett og fysisk aktivitet - høyringsutkast 2. gongs høyring
• Innkomne merknader etter fyrste gongs høyring
• Svar på innspel etter første høyring - Plan for idrett og fysisk aktivitet

Generell informasjon

I Aukra kommune er det berre kommuneplanen sin samfunnsdel og arealdel som følger plan- og bygningnslova sine bestemmingar om innhald og prosess. Unnataket er Klima- og miljøplanen som er utarbeida som kommunedelplan. Prosess for og utforming av Plan for idrett og fysisk aktivitet følger tilsvarande som andre fag- og strategiplaner i kommunen, der plan- og bygningslova sine bestemmingar ikkje er førande.