Reguleringsplan gang- og sykkelveg Smågetoppen - melding om nytt planvedtak

I medhald av plan- og bygningslova § 12-12, har Aukra kommunestyre i møte den 13. februar 2025, sak PS-5/25, vedteke reguleringsplan gang og sykkelveg Smågetoppen, slik det går fram av vedlagte saksdokument.

Reguleringsplanen vart opprinneleg vedteken av kommunestyret i møte den 13. april 2023, under sak PS-22/23. Det vart klaga på det opprinnelige vedtaket, og i klagesaka i kommunestyret den 14. mars 2024 vart klagene tatt til fylgje, og saka sendt tilbake til administasjonen for naudsynte endringar i plandokumenta, og deretter nytt vedtak.

Rett til å klage på vedtaket

Du har rett til å klage på vedtaket dersom du er part i saka, eller har rettsleg klageinteresse, jf. plan- og bygningslova § 1-9 og forvaltningslova kapittel VI.

Klagefristen er tre veker rekna frå dagen då brevet kom fram til påført adressat. Det er tilstrekkeleg at klaga er postlagt innan utløpet av fristen.

I klaga skal det gå fram kva vedtak du klagar på, samt den eller dei endringane som er ønska. Du må også grunngje kvifor du klagar, og ta med eventuelle andre opplysningar som kan telje med når ein skal vurdere klaga. Klaga må være underskriven.

Krav om erstatning/innløysing

Du må setje fram krav om erstatning etter plan- og bygningslova § 15-3, og innløysing etter § 15-2 i same lov seinast tre år etter denne kunngjeringa, eller seinast tre år etter at eventuelle byggverk er fjerna.

Kontaktinformasjon

Du kan sende klage/krav om erstatning:

via eDialog
per e-post til post@aukra.kommune.no
per brev til Aukra kommune, Eining for tekniske tenester, Nyjordvegen 12, 6480 Aukra

Saksdokument

Høyringsperioden er avslutta. Det er difor ikkje lengre muleg å gje uttale på denne planen.

Send skjult innspel

Din høyringsuttale til planen vert registrert i kommunen sitt sak- og arkivsystem. Meldinga vert ikkje publisert.

Min uttale til planen (publiseres ikke)

Informasjon

Publisert 18. februar 2025

Oppdatert 18. februar 2025

Det gjenstår dager timer minutter