Reguleringsplan gang og sykkelveg Smågetoppen - melding om oppstart
Frist for merknadar: 1. juli 2022
Oppstartsmelding
I medhald av plan- og bygningslova § 12-3 og 12-8, samt Aukra kommune sitt delegeringsreglement punkt 18.1, varslar Aukra kommune at det vert starta opp arbeid med reguleringsplan for gang og sykkelveg Smågetoppen.
Om planarbeidet
Hensikta med planarbeidet er å leggje til rette for etablering av gang og sykkelveg med tilhøyrande anlegg langs delar av fylkesveg 531 (Smågevegen) på Gossen i Aukra kommune, slik det går fram av vedlagte kart som viser lokalisering og planavgrensing.
Konsulentselskapet Sweco AS har bistått kommunen med vurderingar knytt til traséval, og gang og sykkelvegen er vurdert lagt på sørsida av fylkesvegen med fylgjande grunngjeving:
- Fleire av bustadane på nordsida av fylkesvegen ligg nært vegen og har små hagar, og dersom gang og sykkelvegen vert lagt til denne sida vil det det medføre store inngrep på allereie begrensa areal. På sørsida av vegen ligg bustadane lengre unna vegen, og det er derfor ikkje like inngripande å etablere gang og sykkelvegen på denne sida.
- Det er fleire tilkomstvegar på nordsida av fylkesvegen som er bratte, og med etablering av gang og sykkelveg på denne sida vil dei verte enda brattare.
- Terrenget i vestre del av planområdet er bratt med fjellskjæring mot nord og hellande skråning/fylling mot sør. På toppen av fjellskjeringa er det også etablert fleire bustadar. Dersom ein skulle ha etablert gang og sykkelvegen på denne sida av fylkesvegen må ein anten skjære seg lengre inn i fjellet og då truleg innløyse bustadar, eventuelt legge om fylkesvegen slik at det vert plass til gang og sykkelveg utan å måtte skjære seg inn i fjellet.
- Ved å leggje gang og sykkelvegen på sørsida av vegen kan denne leggjast lavare i terrenget enn fylkesvegen, og på den måten unngå å gå inn i eksisterande skjæring/fylling, og dermed redusere fyllingsbehovet vesentleg.
Skisser som viser forslag til løysing blei sendt til Møre og Romsdal fylkeskommune som vegeigar til vurdering , og den 25. november 2021 hadde representantar for kommunen, Sweco og Møre og Romsdal fylkeskommune ei felles synfaring i det aktuelle området. Den 1. desember 2021 fekk kommunen tilbakemelding frå Møre og Romsdal fylkeskommune der dei aksepterte den framlagde løysinga, med tilråding om utarbeiding av reguleringsplan.
Gang og sykkelvegen er vist i kommuneplanen sin arealdel 2016-2028 og planforslaget vil derfor være i samsvar med overordna plan (traseen er flytta lengre mot nord, og går parallellt med eksiterande veg). Det er ingen andre gjeldande reguleringsplanar innanfor planområdet. Kommunen sin sakshandsamar har undersøkt §§ 6, 7, 8 og 10 i forskrift om konsekvensvurderingar, men finn ikkje at det vert løyst ut slikt krav. Planforslaget vert utarbeidd som ei detaljregulering med melding om oppstart og deretter høyring og offentleg ettersyn i minimun seks (6) veker etter krava i plan og bygningslova.
Merknadar til planarbeidet
- Merknadar til planarbeidet skal sendast til kommunen innan 1. juli 2022 (utvida frist grunna ferieavvikling), og vi ber om at du nyttar funksjonen «send ein uttale til planen».
- Det er òg mogleg å laste opp relevante vedlegg.
- Saksdokumenta finn du nedst i denne artikkelen.
Saksdokument
Høyringsperioden er avslutta., Det er difor ikkje lengre muleg å gje uttale på denne planen.
Uttale til saka
Uttalen vert synleg nedanfor. Uttalar som gjeld Aukra kommune sine plansaker vert registrert i kommunen sitt sak- og arkivsystem. Uttalar som inneheld sjikane og personangrep vert sletta.
For at ein gs-veg skal vere attraktiv å bruke bør stigningstilhøva vere like gode eller betre enn bilvegen han går langs. Er stigningstilhøva dårlegare enn for bilvegen, er det fare for at gs-trafikken vil nytte bilvegen. Eg meiner derfor at gs-vegen bør hevast noko mellom profil ca 750 og profil ca 950 ved at gs-vegen vert trekt nærare bilvegen. Det vil gå med meir masse og koste meir, men det går ikkje med meir areal, sjå vedlagt skisse.
Alf Idar SmågeNår avgjerder skal takst kan det vere verdt å ha i tankane denne universelle sanninga: Glede over låg pris går over lenge før irritasjon over dårleg kvalitet.
Mellom profil 440 og 540 er det lagt inn rekkverk som følgje av at ein vil unngå konflikt med eit krigsminne, og derfor snevrar inn skiljet mellom gs-vegen og bilvegen. Dette er uheldig med tanke på mellom anna snørydding, ved at snø frå bilvegen lett vert kasta inn på gs-vegen. På grunn av rekkverket må bebuarar på gnr/bnr 4/27/0 gå omlag 50 m langs bilvegen i begge retningar for å krysse til og frå gs-vegen. Det er rimeleg å tru at kryssing vil skje på skrå over fykesvegen. Det er ikkje bra med tanke på trafikktryggleiken. Gossa er full av krigsminne som er med å formidle krigshistoria. Den grunnmuren som står att her, fyllt med ymse avfall og overgrodd, er etter mitt syn ikkje mellom desse. Eg stiller spørsmål ved om det er gjort ei realitetsvurdring av, og drøfta med vernemyndigheita om verdien av å ta vare på dette minnesmerket er større enn ulempa ved dårlegare løysing for gs-vegen.
Tilbakemelding frå Stein Arild Småge og Anne Tangen Småge.
Stein Arild SmågeVi ser positivt på planen, og ser frem til at gangvegen blir bygget.
Vi har noen synspunkter:
1. Bredden på Fv 531 som ligger ved løa til Håkon og Hanne Katrine Småge bør utvides. Tyngre kjøretøy kan ha vanskeligheter å passere hverandre sånn det er i dag.
2. Avkjørsel fra Smågetoppen, Anne Tangen Småge / Ingunn Hjelmås bør vurderes å samles i en felles avkjørsel.
3. Oppgrader gangsti som går fra avkjørselen til Anne Tangen Småge og Ingunn Hjelmås, og mot toppen av bakken (Fv 6046). Denne var laget for ca 15-20 år siden, og hadde til hensikt at skolebarn skulle krysse veien på toppen av bakken.
4. Senke nivå på plen som går mot Fv 6046, sånn at det blir lettere vedlikehold med plenklipper etc.
Ønskjer du at din uttale ikkje skal visas på denne nettsida?
Huk av i boksen «Send skjult uttale» og fyll ut skjemaet under