Reguleringsplan Hollingen næring- og sentrumsområde - ny melding om oppstart grunna utvida planområde

I medhald av plan og bygningslova §§ 12-3 og 12-8, og kommunen sitt delegeringsreglement punkt 18.1, vert det varsla oppstart av arbeid med reguleringsplan Hollingen næring- og industriområde.

Det vart varsla oppstart gjennom brev til berørte partar og annonse i Romsdals Budstikke den 06.11.2018, men på grunn av ein inkurie mottok ikkje fylkesetatane oppstartmeldinga. På bakgrunn av dette, og at kommunen ser det som naudsynt å utvide planområdet, vert det meldt ny oppstart av planarbeidet.

Føremalet med planarbeidet

Føremålet med planarbeidet er å:

1. leggje til rette for fleire næringstomter på Hollingen,
2. leggje til rette for ny tilkomstveg til eksisterande og framtidig næringsområde,
3. leggje til rette for tilkomstveg til framtidig bustadområde i nord,
4. leggje til rette for nye trafikale løysingar langs fylkesveg 662, og
5. leggje til rette for eit mobilt bensinstasjonanlegg på delar av Kisi Eiendom AS sitt næringsareal ved Bunnpris.

Det skal og vurderast om det let seg gjere å etablere eit felles kollektivknutepunkt på delar av arealet avsett til framtidig sentrumsformål i kommuneplanen sin arealdel. Planforslaget vert utarbeidd som detaljregulering i to alternativ for å kunne vise forslag til tilkomstveg til eksiterande og framtidig næringsområde og framtidig bustadområde frå både fylkesveg 662 og 215. Gjeldande reguleringsplanar innanfor planavgrensinga vert vidareført i det nye planforslaget slik at ein får ein samla plan for området.

Planområdet er i gjeldande kommuneplan sin arealdel avsett til framtidig friområde, framtidig næringsverksemd, framtidig sentrumsformål og LNF.

Saksdokument og frist for merknadar

Du finn alle saksdokument i tabellen nedst i artikkelen. Eventuelle merknadar til oppstartmeldinga skal sendast kommunen innan 25.01.2019, og vi ber om at du nyttar funksjonen "send ein uttale til planen", der det og er høve til å leggje ved relevante vedlegg.