Søknad frå Måsøval AS om løyve til å utvide akvakulturanlegg på lokalitet 39937 Orholmen i Aukra kommune - offentleg høyring
Frist for merknader: 25. oktober 2022
Søknadsprosess
Aukra kommune har mottatt ein søknad om løyve til å utvide biomasse på anlegg for oppdrett av matfisk på lokalitet 39937 ved Orholmen i Aukra kommune. Lokaliteten 39937 Orholmen er i dag godkjent for ein MTB (maksimalt tillat biomasse) på 3120 tonn MTB. Det blir søkt om utviding av MTB med 1560 tonn til totalt 4680 tonn.
- Etter Akvakulturlova skal fylkeskommunane handsame og godkjenne slike søknadar.
- Kommunane si rolle, etter same lov, er å annonsere tiltaka og å gje ein uttale i høve kommunen sitt arealforvaltingsansvar etter plan- og bygningslova, og elles om tilhøve kommunen meiner er aktuelle når løyve skal gjevast.
- Kommunen sender sitt høyringssvar til fylkeskommunen.
- Fylkeskommunen samlar alle uttaler til saka og gjer vedtak.
Merknader til søknaden
- Merknader til planforslaget skal sendast kommunen innan 25. oktober 2022, og vi ber om at du nyttar funksjonen «Send ein uttale til planen».
- Det er mogleg å laste opp vedlegg.
- Saksdokument finn du nedst i artikkelen.
Saksdokument
Høyringsperioden er avslutta., Det er difor ikkje lengre muleg å gje uttale på denne planen.
Uttale til saka
Uttalen vert synleg nedanfor. Uttalar som gjeld Aukra kommune sine plansaker vert registrert i kommunen sitt sak- og arkivsystem. Uttalar som inneheld sjikane og personangrep vert sletta.
Anlegget er plassert rett i kanten av to gyteområde i følgje kart frå fiskeridirektoratet. Om det er forekomst av parasittar på fisken i anlegget kan dette spreie seg til andre fiskar i området. Av omsyn til gytefelta i området bør det ikkje bli gitt konsesjon til eit større annlegg.
Ole August IversenDet er folk som klagar på at det nermast ikkje er mogleg å få fiske torsk kring Gossen. Ein person fortalte meg at ein må bruke garn skal ein få noko.
I tillegg er det ikkje noko kontroll på avføring frå fisken. Den går rett i sjøen, og ein er avhengig av at resten av fjorden klarar å ta seg av det. Dette er eigentleg verdifulle ressursar som fosfor, karbonforbindelsar og nitrogenforbindelsar som hadde vore veldig verdifullt å gjenbruke i produksjon av gjødsel til konvensjonelt jordbruk. Desse minerala og stoffa kan og vere farlege for mesteparten av miljøet om dei når for høge konsentrasjonar lokalt.
Er det god nok kontroll på om fjorden klarar å handtere all avføringa frå oppdrettsfisken?
Er det noko tankar i det heile om berekrafta i oppdrettsanlegget? Det verker ikkje som det er noko mål om sirkulær økonomi inne i bildet, eller å ikkje berre tilføre ressursar som "forsvinn" i havet igjen, og at ein stadig tilførar nye forressursar osv.. Om anlegget var lukka og ikkje ope som det er i dag hadde det vore ein fordel sidan ein då faktisk kan hente ut desse ressursane.
Ved sidan av dette; det står i dokumentet "Forundersøkelse" at Lokaliteten Orholmen er i Heim kommune i Trøndelag fylke. Eg reknar med at det ikkje stemmer.
Eg sett heller ikkje lit til Åkerblå si vurdering av at det ikkje er behov for konsekvensutgreiing. Det burde vere ei konsekvensutgreiing.
Har to kommentarar;
Asbjørn Windstad1 Anlegget er ikkje plassert i samasvar med gjeldande regelverk for avstand frå sjøaureføranse elv og bør flyttast. 2 Eg har funne lakselus på kysttorsk fiska på Horremsbukta mellom Småsundholmen og Landholmen (ein vanleg fiskeplass):Eg har mistanke om at lakselusa kjem frå anlegget det er søkt om. Konklusjon:Heile anlegget bør flyttast til ein stad som er i hsamsvar med regelverket og helst plasserast på land.
Ønskjer du at din uttale ikkje skal visas på denne nettsida?
Huk av i boksen «Send skjult uttale» og fyll ut skjemaet under